الادماح زالمدرسه

المنتدى العــام للجمعيـــة


 
  #1  
قديم 10-29-2011, 12:54 AM
الصورة الرمزية فيزاوي
فيزاوي فيزاوي غير متواجد حالياً
عضو بارز
 
تاريخ التسجيل: Sep 2011
المشاركات: 170
فيزاوي is on a distinguished road
)cc: الادماح زالمدرسه

بابا ماما هانا جيت من المدرسة
البابا :هاسعدي بولدي
الماما :هافرحي بولدي
واشنو قريتو ؟؟
قرينا الادماج آماما
زوين بزاف
ساهل ماهل
المعليمة قالت لينا خليو الادوات كاملين فالدار
وجيبو غير دفتار وستيلو فميكة
الماما :الحمد لله آولدي تهنيتي من داك القنطار ديال الكتوبة
الباب :واش صافي هادوك الكتوبة ماتعاودوش تقراو فيهم
نبيعهم لمول الزريعة يعطيني فيهم شي باكية دكازا
- لالا عنداك آبابا راه غير 10 أيام وصافي
- الماما: ايوة واشنو تايعلموكم فهاد الادماج؟
- والو غير المعليمة تاتورينا واحد التصويرة
وتاعطينا ثلاثة ديال السؤالات
وتاتجاوب لينا عليهم كاملين
وتاتقول لينا يالاه عاودو شنو قلت
وحتى واحد ماتايعرف يعاود غير ليلى بنت لفاكتور اللي تاتهز اصبعها
واحنا تانعاودو موراها
وتانبقاو نعاودو داكشي بالصف
تاتانعرضوه
الماما:صافي
-باقي ..وحيت المعليمة عارفانا ماتانعرفوش نجاوبو
تاتكتب لينا المعليمة دوك الاجوبة فالسبورة وتانقلوهم باش فالدار نعرضوهم زعمة
وفالصباح تانجبدو الدفتارالجديد وتاتقول لينا يالاه دابا كتبو داكشي اللي حفظتكم
لبارح فالقسم واللي حفظاتكم ماماكم فالدار
وانا كاع ما تانعرف نكتبهم حيت فالقسم كاع ما وصلاتني النوبة باش نعاودهم على
المعليمة
وفالدار كاع ما حفظتيني حيت ماتاتعرفيش تقراي
الأم :ايوة واشنو درتي
- ماتخافيش راه دبرت على راسي
عطيت لبنت لفاكتور درهمتي وكتبات لي
- والمعليمة ماشافتكش
- شافتني ومادارت والو
الماما:الله يرضي عليك آولبدي انشاء الله غادي تخرج شي برلماني كبير بهاد تاحراميات
ديالك


hgh]lhp .hgl]vsi

رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حول بيداغوجيا الادماج عبدالعزيز الراجي منتدى فرع خنيفرة 1 03-19-2012 08:03 PM
توزيع كراسات الادماج مجدي ادريس منتدى فرع فاس 0 01-06-2012 04:09 PM

منتدى الجمعية الوطنية لمديرات و مديري التعليم الإبتدائي بالمغرب

↑ Grab this Headline Animator


Loading...