]لكريمة L’Agrément

منتدى قصائد وأشعار:


إضافة رد
  #1  
قديم 03-09-2012, 11:32 AM
الصورة الرمزية هــري عبدالرحيم
هــري عبدالرحيم هــري عبدالرحيم غير متواجد حالياً
عضو
 
تاريخ التسجيل: Oct 2011
الدولة: الدار البيضاء
المشاركات: 71
هــري عبدالرحيم is on a distinguished road
افتراضي ]لكريمة L’Agrément

لكريمة L’Agrément

حُط السبع هز السبع

عطيني كريمة ولا راك ضبع.



كرايم الرموكات

في السماوات دارت علامات

والطاكسيات في الزناقي خلقوا الزحامات.



هنا طاحت لكريمة

وهنا ما نلعبوا عليها

طاحت لكريمة

نوضوا غوتوا عليها.



كلنا مغاربة وكلنا محتاجين

وللكريمات ما حنا طالبين.

يمشي زمان ويجي زمان

ولْريع لكريمات ما حنا طالبين

يمشي زمان ويجي زمان

وريع لكريمات يظهر ويبان

ما بغينا منّة ولا صدقة

بغينا غير حقنا

حُوتْـنا وخضرتنا

حوتنا ورملتنا

والشفّارة يطلعوا برّا.



ها العار

تظلمنا وفي حقنا تّكْلينا

نصفوا أولادنا وقسموا عليهم وعلينا.



إلى كان عقلي ينفعني

الكريمة مابقات تنفعني

حيث جات

وفي السماء دارت علامات

وفي كروش الحرام دارت غزوات

دارت فيرمات

ودارت ضيعات

ودارت الفرق كبير

بينك أنتَ وأنتِ وأنتَ وأنا.



المغرب ديالنا كلنا

وكلنا تنخدموه

غير كاين اللي تيخدمو بكتافو

وكاين اللي تيخدمو بعقلو

وكاين اللي تيخدمو بجوج صباعو

بيهم يحلب ضرعو

بيهم يخْْوَنْ زرعو

بيهم يقطع الواد

وبيهم ينشّفْ رجلو



نوضو يا الغافلين

يا المحكورين

يا التالفين

نوضو باراكا من النعاس

هزو البالة وهزو الفاس

ونقيو بلادكم من شوك الخوانة

حرثو بلادكم لا تبقاو ترّاسة

حيْحو على الجّوشْ والقُبّيْعْ

وَكّالين الزرع والزريعة

وماطيشة والدليليعة

نوضو هزّوا قْدَمْ وحطّوا قدم

وفضحو الشفارة فاضحو

فضحو الخوانة فاضحو

فضحو البزناسة فاضحو

فضحو الطّلابة فاضحو

فضحو العطّايا فاضحو.

- هــري عبدالرحيم.-


Dg;vdlm

رد مع اقتباس
  #2  
قديم 03-10-2012, 12:11 AM
الصورة الرمزية أبو أيمن نورالدين بوعمود
أبو أيمن نورالدين بوعمود أبو أيمن نورالدين بوعمود غير متواجد حالياً
مشرف منتدى الابداعات والانتاجات الأدبية
 
تاريخ التسجيل: Dec 2010
المشاركات: 1,855
أبو أيمن نورالدين بوعمود is on a distinguished road
افتراضي

نفحة زجلية من الكون الزجلي السبعيني. عندما كان صهد القمع يواجه بعنف الكلام . وعندما كان صراع الطبقات على أشده. ضراع بين من يملك كل شيئ ومن يملك لا شيء. دعم ـ أخي هــري عبدالرحيم ـ منتدانا الشعري بمثل هذا المنحى الواقعي ، ذي الكلمة المياشرة الصادقة واللاذعة.
تحياتي أخي الكريم
رد مع اقتباس
  #3  
قديم 03-10-2012, 10:54 PM
الصورة الرمزية هــري عبدالرحيم
هــري عبدالرحيم هــري عبدالرحيم غير متواجد حالياً
عضو
 
تاريخ التسجيل: Oct 2011
الدولة: الدار البيضاء
المشاركات: 71
هــري عبدالرحيم is on a distinguished road
افتراضي

الأخ أبو أيمن:
الكلمة الصادقة لها مكانها دائما.
القمع لم يكن يخيفنا يوما، والإرهاب لم يكن يرهبنا يوما، ولا زال هذا ديدننا حتى نلقى الله بقلوب صافية خالية من الخوف إلا الخوف منه تعالى.
في الجعبة المزيد دعما لمنتديات الجمعية الوطنية للمديرات.
تحيتي لك أخي نور الدين صادقة ودائمة.
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتدى الجمعية الوطنية لمديرات و مديري التعليم الإبتدائي بالمغرب

↑ Grab this Headline Animator


Loading...