يا فقيه الدرب انت اذبح وانا نسلخ

منتدى قصائد وأشعار:


 
  #1  
قديم 04-18-2012, 12:31 AM
الصورة الرمزية مراد الصالحي
مراد الصالحي مراد الصالحي غير متواجد حالياً
مشرف قسم الخدمات العامة للمدير
 
تاريخ التسجيل: Nov 2010
الدولة: الدارالبيضاء
المشاركات: 6,176
مراد الصالحي is on a distinguished road
)d: يا فقيه الدرب انت اذبح وانا نسلخ

كنت دري صغير
فرحان بصغري
اداوني اهلي واحبابي
عند راجل كبير
دايرين بيه شلا دراري
قد عمري
عندو لحية طويلة
كيف الشيطان
مربع على كرسي عالي
كيف الضربان
على راسو داير رزة
بحال شلا عربان
عندو عصا من الزيتون
طويييييييييييلة
راسها مسنون
على حصير بالي
بركوني
تمة بقيت لحالي
بعدما تركوني
قال ليه الوالد:
شوف يا لفقيه
هذا ولدي ماجد
نترجاك لا تحن فيه
ومن العصا
ما تشفق عليه
ويلا غوت
ماتسمع ليه
انت اذبح
وانا نسلخ
اعطي لباباه لعصا
حتى يتملخ
ونسى الوالد مسكين
أن لالة لعصا
يمكن تكلخ
ويمكن تعطب
المسكين بحالي

اللي عظمو رطب
وهنا تذكرت
بوجميع الغيواني
اللي قال من زمان
كلام ليه شلا امعاني:
قلبي جا بين
يدين الحداد
الحداد مايحن
مايشفق عليه
ينزل الضربة
على الضربة
ويلا برد
زاد النار عليه
الله يرحم عليها بوجميع
هكذا حفظنا القرآن
من غير فهامة أو تمعان
غير بالسليخ والضرب
والعضان
كان لفقيه مرة مرة
يخشي عينيه فجلودهم
وينام
واحنا نتلفوا فليام
نعاماس ليوم علينا غضبان
ما جبنا ليه غذا
خليناه جيعان
خرج من الحلقة
دار لينا الفلقة
وقال لينا :
العصا لمن يعصى
وفالعلقة بركة
وهكذا يا كرام
نعاماس خلا فينا شلا وشام
ما محاه زمان
مانسيناه مع ليام
لمسيد خلق جيل رعديد
ما يطالب بحق
ما يجيب تجديد
بقينا نشوفو بعويناتنا
خايفين على رجيلاتنا
وعصيدتنا بقات ديما باردة
وكلنا غاطسين فيها يدينا
وبقات الباردة ديما لينا
واللي فيها الصهد
نقولوا هاذي واعرة علينا
ويلا بغيتو الحقيقة
احنا خايفين غير على رجلينا
من ذيك لالة لعصا لحنينة
هكذا سماها فقيه الدرب لينا


بقلم : مراد الصالحي



dh trdi hg]vf hkj h`fp ,hkh ksgo

__________________


أينك يا إطار؟؟؟؟
آش بيك دارت لقدار مابان ليك أثر ولا خبروا بيك البشارة
رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
انت مدير ؟ افتح الظرف ! عبد الحفيظ البارودي منتدى الموضوعات غير المصنفة : 0 12-25-2012 01:34 PM

منتدى الجمعية الوطنية لمديرات و مديري التعليم الإبتدائي بالمغرب

↑ Grab this Headline Animator


Loading...