عبد الرحمان المجذوب

منتدى الألغاز والأمثال الجادة


 
  #1  
قديم 01-29-2013, 01:37 PM
الصورة الرمزية عبدالخالق جنات
عبدالخالق جنات عبدالخالق جنات غير متواجد حالياً
عضو بارز
 
تاريخ التسجيل: Nov 2012
الدولة: الجديدة
المشاركات: 1,287
عبدالخالق جنات is on a distinguished road
افتراضي عبد الرحمان المجذوب

القول المأثور

من ديوان سيدي عبد الرحمن المجدوب
-1-
شافوني اكحل مغلف يحسبوا ما فيا دخيرة
و انا كالكتاب المؤلف فيه منافع كثيرة

كسبت في الدهر معزة و جبت كلام رباعي
ماذا من عطاه ربي و يقول عطاني دراعي
لا تخمم لا تدبر لا ترفد الهم ديما
الفلك ما هو مسمر و لا الدنيا مقيمة

يا صاحب كن صبار اصبر على ما جرى لك
ارقد على الشوك عريان حتى يطلع نهارك
نرقد على الشوك عريان او نضحك للي جفاني
نصبر لنعوس الايام حتى ياتي زماني

الهم يستهل الغم و السترة ليه مليحة
رد الجلدة على الجرح تبرا و تولي صحيحة
نوصيك يا حارث الشيح و الشيح فيه المرورة
اللي تظن و تقطع عليه تاتيك منه الضرورة
نوصيك يا حارث الدوم و الدوم كثروا انفاعه
الدم ما ينفع الدم يا ويل من خانه درعه
الصمت حكمة و منه تتفرق الحكايم
لو ما نطق ولد اليمامة ما يجيه وليد الحنش هايم
الصمت الذهب المسجر و الكلام يفسد المسالة
اذا شفت لا تخبر و اذا سالوك قل لا لا
نوصيك يا واكل الراس في البير ارمي عظامه
اضحك و العب مع الناس فمك مثن له لجامه

يا زارع الخير حبة يا زارع الشر ياسر
مول الخير ينبا و مول الشر خاسر
لا تخمم في ضيق الحال شوف ارض الله ما اوسعها
الشدة تهزم الارذال اما الرجال لا تقطعها
انا اللي كنت ثقيل و رزين و خفيت بعد الرزانة
مشيت للرماد عامين اندور فيه على السخانة
عميت و صميت و خفيت بعد الرزانة
واش كانون عامين نستنى فيه السخانة
عيطت عيطة حنينة فيقت من كان نايم
ناضوا قلوب المحنة و رقدوا قلوب البهايما
-2-
ضربوه يستهل الضّرب و الطريحة معمول عليها
هذاك جزاء من يوسع على الناس و نفسه يضيق عليها
رجل بلا مال محقور في الدنيا ما يسوى شي
المشرار كالدلو المقعور يوصل للماء يرجع بلا شي

نخدم على المال و نطيح و المال بيت الطناخة
رجل بلا مال كالريح مشرار و يحب الشياخة
الشر ما يظلم حد غير من جبده لراسه

في الشتاء يقول البرد و في الصيف يغلبه نعاسه
ضربت كفي لكفي و خممت في الارض ساعة
صبت قلة الشي ترشي و تنوض من الجماعة

الشاشية تضيع الراس الوجه تضويه الحسانة
المكسي يقعد مع الناس العريان نوضوه من حدانا
يا ذا الزمان يا الغدار يا كاسر لي من دراعي
طيحت من كان سلطان و ركبت من كان راعي

درت مطمورة في راس رافروف و متنتها من كل جانب
عهدي بالمطمورة متينة ساعة من تحت شارب
لا يعجبك نوار دفلة لا يعجبك نوار دفلة
لا يعجبك زين طفلة حتى تشوف الفعايل
سور الرمل لا تعليه و لا تعمق في لساسه
ولد الناس لا توصيه يكبر و يولي لناسه
3
القمح يسموه الربح دريه يمشي غباره
القلب اللي كان مهموم اللون يعطي اخباره
القمح هو الربح و دريه يصفى غباره
اذا بغيت تنجى من الناس من البلا تنهي صغاره
الخبز يا الخبز و الخبز هو الافادة
لو ما كان الخبز ما يكون دين و لا عبادة
نوصيك يا كاسر الخبز اعمل الكسرة الصغيرة

راه اللي جاك مرهام يرفد الكسرة الكبيرة
الخيل هبة من الريح و البل هي الشريفة
البغل قرصة من الهند و الحمار هو العيفة
اللي يركب يركب اشهب طرز الذهب في لجامه
اللي يدور يقول كلمة الحق يدير هراوة في حزامه
انا اللي رقيت في رقية و قعدت مثل الرصاص نذوب
من لا يقرا للزمان عقوب يجي على راسه مقلوب
نوصيك يا واكل الخوخ من عشرة رد بالك
في النهار تظل منفوخ و في الليل تبات هالك
مهبول من يحرث الفول في شط مالح يلوحه
مهبول من ياخذ القول في صاحب عوض روحه
الدنيا مثلها دلاعة تتكركب مع جميع الدلاع
الحاذق يعطي معها ساعة و الجايح غدى معها قاع.



uf] hgvplhk hgl[`,f

رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتدى الجمعية الوطنية لمديرات و مديري التعليم الإبتدائي بالمغرب

↑ Grab this Headline Animator


Loading...