باقة 1من النكت

المنتدى العــام للجمعيـــة


 
  #1  
قديم 04-08-2011, 10:13 PM
الصورة الرمزية حسن الجوبي
حسن الجوبي حسن الجوبي غير متواجد حالياً
مدير التواصل والإعلام
 
تاريخ التسجيل: Apr 2010
المشاركات: 5,915
حسن الجوبي is on a distinguished road
افتراضي باقة 1من النكت

قاليك هاذا واحد السيد جبد عقد الزواج ديالو و بدا كيحنزز فيهواحد شويا جات مراتو قالت ليه: مالك احبيبي من الصباح انت كتشوف في العقد ..
قالليها كنقلب على تاريخ انتهاء الصلاحية
* واحد مكلخ دار إيدو ف الما القاطع و دابت ليه. هو يدخل راسو باش يقلب عليها

* هادا واحد مريض امشي عند اطبيب قالوا انا عندي مرض النسيان قالو فوقاش ابداك هاد المرض .قالو اشمن مرض؟؟؟؟؟؟

*هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.ناضوا كاملين إلا واحد. سولوه: نتا ما كاتخافش من مرتك؟قال ليهوم: راه قالت لي سير للقهوة وما تحركش حتى نجي



*واحد خينا راسو كبيييييييير..ركب في التوبيس بقا تيغني اغنية ديال الدراري الصغار وتيميل براسو مرة يمين ...ومرة شمال ..

(( عندي بااااااااابا.....عندي ماااااااااااااما ....ديما معااااااليا ...حتى في النوووووووووم

البوليسي حبس الشيفور ديال التوبيس ..
...
قالو :عندك 400 درهم خطية

الشيفور :علاش؟ ياك لاباس؟

البوليسي: ره التوبس تيميل مرة على ليمن ومرة على ليسر

الشيفور : وراه واحد بو راس كبييييييير ..يخليها ماركة...الله ياخد فيه الحق ..

صاحبنا بو راس كعا ..

قالو: ياك....تتعيرني ....

غا هو التوبيس زاد شوية وبدأ يغني ليه أغية

(( الكناوي ....ناوي ناوي ناوي...الكناوي يا سداتي

*
*وحد سيد جاتو غيبوبة مشاو عيتو على لفقيه باش إقلبو ... قلبو لفقيه أخرج گاليهم صفي راجل مات الله إرحمو داوه باش إردموه راجل جابتو لفيقى گاليهم رني مزال ممت هو ينزل عليه لحفار بواحد لبالة گليه موت نتا تعرف حسن من لفقيه

*هادا واحد بغى يشري بيستاش وما عرفش سميتو
مشى عند مول الحانوت وقال ليه: عطيني كاوكاو اللي كيضحك


واحد ماعمرو مشا لرباط...نهار مشا ليها لقا فالدخلة ديالها بلاكة

مكتوب عليها " الرباط سلا"...هو يقول لصاحبو هاد الرباط ملقا ايمتا يسالي


غير حتا جين ليه حنا




هادا واحد غير دخل الامتحان ديال الباكالوريا و دغية خرج.

قالو ليه: مالك خرجتي دغية؟


قال ليهوم: قال لياالوالد جي نتا اللول




هادا واحد خينا مشى عند الطبيب وقال ليه: كلشي كيضرني. إيدي، رجلي،كرشي،صدري.... اللي حطت عليها صبعي كضرني

دوز ليه الطبيب وما لقىعندو والو. وهو يقول ليه: أرى كاع داك الصبع نشوفو.


وهويلقاه مهرسليه صبعو




برغوت وبرغوتة كانوا ف السينيما. ملي سالى الفيلم و بغاو يمشيو للدار، قال البرغوتللبرغوتة: فيك ما يتمشى أولا نركبوا شي كلب؟


هادا واحد البورطابل دار مع واحد البوطابلة باش يتلاقاو، ساعة تعطل عليها


قالت ليه البورطابلة: أش هاد التعطيلة؟

قال ليها البوطابل: واحق الريزو اللي بناتنا إيلا غي كنت كنتشارجا




هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.


ناضوا كاملين إلا واحد. سولوه: نتا ما كاتخافش من مرتك؟

قال ليهوم: راه قالت لي سير للقهوة وما تحركش حتى نجي




هادا واحد مشات ختو تولد وشداتو الخلعة وتالف. سولوه: أشنو غادي يتزاد عندكوم؟


قال ليهم: إيوا هاد الساعة مازال ما عرفت واش غادي نولي خال أولا خالة


هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟

قال ليه مول القنية: أسبحان الله، راه قنية هادي


قال ليه المبوق: ما هدرتش معاك، هدرت مع القنية




هادا واحد مبوق سولوه: أشنو رأيك ف الزواج المبكر؟


قال ليهم المبوق: زعما أشمن ساعة بالضبط؟


هادا واحد مبوق بزاف. مشى عند البوليس وقال ليهم: الله ياودي! إيلا ما سولت أنا ما تسولوانتوما؟




هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم

الدراري تخلعوا حتى من المجتهدين. شوية ناض الدمدومة ديال القسم رفع صبعو ورفع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟


قال ليه الكسول: أشناهي الحشرة اللي عندها 9999 رجل؟


المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو


ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟



قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي




واحد الشفار بغى يتوب وهو يسرق جوج سيديات ديالالقرآن


واحد المرا دات ولدها عند الفقيه وقالت ليه: سي الفقيه، الله يرحم الواليدين إيلاما علم ليا ولدي، راه الجامع ديال الدوار ديالنا بقى بلا فقيه. يالله هاني غادينتسنى فيك قدام الباب حتى تسالي


واحد الصحفي مشى لسبيطار الحماق باش يدير لقاء مع الطبيب

الصحفي: كيفاش كتعرفو اللي مسطي من اللي بعقلو؟


الطبيب: كنديرو الاختبار ديال البينوار


الصحفي: واشنا هو هاد الاختبار؟



الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار


الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو


شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟



fhrm 1lk hgk;j


التعديل الأخير تم بواسطة حسن الجوبي ; 04-21-2011 الساعة 11:06 PM
رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتدى الجمعية الوطنية لمديرات و مديري التعليم الإبتدائي بالمغرب

↑ Grab this Headline Animator


Loading...